澳门博彩业近十年越做越大，每年閒閒地都有成3,000亿元赌收，搞到周边好多地方都想玩埋一份，就连罗兵咸永道都估计，亚太区去到2015年会取代美国，成为全球最大的「赌场」。
啱啱攞到2020年奥运主办权嘅日本对于开赌就最为积极，一班议员亦已经准备紧法桉，希望喺今年内可以交畀国会，最快2019年有首间赌场开业。
不过班议员可能见识过澳门十几年前未正式规范博彩业嘅时候，当地黑帮为争夺赌场利益日打夜打，街头枪战、江湖仇杀多到连警察都冇晒方法，十足十玩紧近期大热游戏《GTA》咁。
为咗避免日本赌场受到黑帮势力入侵而令当地掀起一场腥风血雨，日本议员已经喺草拟法桉上讲明要赶绝山口组等嘅黑势力。除咗建议将开设赌场嘅入场门槛定于较高水平，确保赌牌主嘅质素外，亦会对赌业参与者进行严格的审查，包括要求赌场的高级管理层提供过去10年嘅银行户口、信用卡户口及税务资料，以证明身家清白。
Post a Comment